На 11.11.2023 година, во 11 часот во Едукативниот центар во Зоолошката градина, посетителите беше отворена изложба на постери што ЗОО Скопје ја реализира во соработка со Едукативно-технолошката организација Бреинстер (Brainster).
На изложбата се поставени 40 постери на темите „Пчели“ и „Црвеноушести желки“ што произлегоа од повеќемесечната соработка и спроведениот конкурс за најдобар едукативен дизајн на постер.
Пораката на оваа изложба е дека во природата се е поврзано и се е важно, а луѓето се најодговорни во тој екосистем. Во таа насока, пчелите се основа на животот и затоа е потребно да ја подигнеме јавната свест за тоа колку се корисни и потребни во природата и за животот на сите единки во неа.Без пчели едноставно ќе нема живот.
Од изложбата на која присуствуваа и авторите на постерите,с туденти на Акадмеијата Бреинстер, испративме порака до сите оние кои купуваат црвеноушести желки: сопствениците никогаш не треба да ги пуштаат овие желки во природата, за да не наштетат на автохтоните видови флора и фауна.
Зоолошката градина Скопје останува силно посветена на едукацијата за живиот свет како една од нејзините главни определби и задачи, а различни едукативни настани ќе следуваат и во периодот што е пред нас.
Сите заинтересирани кои ќе ја посетат ЗОО Скопје оваа недела, можат да ја погледнат изложбата во Едукативниот центар секој работен ден во тек на работното време на ЗОО.
