Во рамките на редовната едукација и прошетка низ Зоолошката градина, децата а и возрасните уживаат во возбудливата прошетка со возот. Редовно возот е вклучен и во прославите на родендените и претставува несекојдневно доживување на децата.

Од возот со убава обиколка, можат да се видат сите живеалишта во Зоо Скопје и нивните жители.
Нетрпеливоста пред да се качат на ЗОО возот и насмевките и џагорот кога ќе се симнат од него по звршување на возењето е доказ дека навистина ЗОО Возот нуди несекојдневно доживување.

На иницијатива на скопската Зоолошка градина во соработка со Шумарскиот факултет и ФОЈА
СО БАМБУСИ И ЕГЗОТИЧНИ ТРЕВИ РАЗУБАВЕНО ЖИВЕАЛИШТЕТО НА ТИГАРОТ ВО ЗОО СКОПЈЕ.

По повод светскиот ден на бамбусите живеалиштето на тигарот во скопската Зоолошка градина е разубавено со бамбуси и други егзотични треви кои придонесуваат да се долови неговата природна животна средина. Бамбусите се донација на Факултетот за шумарски науки, пејзажна архитектура и екоинженеринг „ХАНС ЕМ” во Скопје, а егзотичните треви и другите растенија на Градинарскиот центар Фоја, кој помогна и во садењето на растенијата и пејзажното уредување.

Скопската Зоолошка градина е еден од симболите на нашиот град, место со долга традиција, омилено за посета особено од страна на децата. Живеалиште е на многубројни егзотични животни од различни делови од светот, кои заслужуваат да живеат во уреден и автентичен простор, многу близок до нивната природна средина. Токму затоа, Шумарскиот факултет „ХАНС ЕМ” во соработка со ФОЈА, со задоволство се приклучија на акцијата живеалиштето на тигарот да добие егзотична атмосфера, со растенија карактеристични за неговата природна средина.

Бамбусите, пампасите и другите егзотични треви се едни од најиздржливите, најбрзо растечки повеќегодишни зимзелени растенија од фамилијата треви. Тигарот претпочита густа вегетација, место каде што ќе може да биде спокoен и секогаш да е во близина на вода. Со оваа донација се обезбедува токму тоа. Иако се заштитени во меѓународни рамки, тигрите се вбројуваат меѓу сериозно загрозените видови. Имено, само во последното столетие, нивната популација се намалила за повеќе од 90 отсто, додека два подвида се сметаат за исчезнати. Секој напор, донација која ќе биде во функција на обезбедување благосостојба на животните и ќе поттикне посреќна средина за живеење е добредојдена.

Благодариме на ФОЈА и на Шумарскиот факултет „ХАНС ЕМ”

Обука на темите „Благосостојба на животните“ и „Како до подобри живелишта за животните во зоолошките градини“ беше се одржа во Едукативниот центар во ЗОО Скопје. Обуката ја држеа зоонегуватели од тимот кој што минатиот месец присуствуваше на обуката во Палиќ, Србија, одржана под покровителство и со поддршка на ЕАЗА.

За тоа што треба да се направи за да се задоволат основните потреби на животните: физичко, психичко и емоционално здравје, позитивна емотивна состојба, храна и живеалиште кое ќе ги задоволува стандардите за нивна добросостојба, пред колегите зборуваше Мирослав Станковиќ. Се зборуваше и за начинот на давање избор на животните во нивните живеалишта и непосредната улога на зоонегувателите.
Марија Дојчиновска, пак, имаше интересна презентација за постигнување добросостојба на животните, начинот за постигнување на нивната сигурност и постигнување на неопходната дистанца со посетителите, со користење на соодветни методи и техники.

Овој вид едукација за вработените во ЗОО ќе биде дел и од насоките во понатамошните активности на Зоолошката градина Скопје.